Жастар жемқорлыққа қарсы
Шерхан Мұртаза атындағы Халықаралық Тараз инновациялық институтында «Жастардың құқықтық сауаттылығын және құқықтық органдарға деген сенімділігін арттыру» жобасы аясында кездесу өтті. «Сыбайлас жемқорлықпен күрес – заман талабы» тақырыбында өткен іс-шараға «Жаңару» сыбайлас жемқорлыққа қарсы жалпыұлттық қозғалыс» республикалық қоғамдық бірлестігі облыстық филиалының директоры Қасымхан Төлендиев қатысты.
Жастар үшін маңызы мол іс-шараны Шерхан Мұртаза атындағы Халықаралық Тараз инновациялық институтының ректоры Махметғали Сарыбеков ашып, жүргізді.
Ал ҚР Сыбайлас жемқорлыққа қарсы іс-қимыл агенттігі облыс бойынша департаменті превенция басқармасының бас маманы Айбек Ажибаев пен «Азаматтық және қылмыстық құқық» кафедрасының профессор-ассистенті Халилжан Сулейманов мұндай жиындардың жастарға берері мол екенін айтты.
Студенттер тарапынан заң факультетінің 3-курс студенті Анель Жәкіш өз пікірімен бөлісті.
Құралай СЕЙСЕНБЕКҚЫЗЫ