ІІМ-де интернет-алаяқтыққа қарсы іс-қимыл туралы айтылды
ІІМ-де интернет-алаяқтыққа қарсы іс-қимыл туралы айтылды, деп хабарлайды arainfo.kz
Бұл туралы Ішкі істер министрлігінің баспасөз қызметі мәлімдеді.
Мысалы, Қостанай тұрғыны DarkNet пен Telegram арқылы интернет-алаяқтық жасаған. Қаскөй 1,5 млн теңгеден астам табыс тапқаны анықталды.
Ер адам “кардингпен”, яғни банк карталарының деректемелерін ұрлап және оларды қайта сатумен, сондай-ақ ақшаға компьютерлік вирустарды таратуды үйретумен айналысқан.
Қазір фигурант ұсталып, сотталды.
Ведомство киберқылмыстарға қарсы күресті жүйелі түрде жүргізеді.
Сәуір айында Украинаның Одесса және Запорожье қалаларында өткен халықаралық арнайы операция барысында бес алаяқтық call-орталық жойылды. Қаскүнемдер қазақстандық азаматтарға қатысты қылмыс жасаған. 30-дан астам күдікті ұсталды, қажетті іс-шаралар жүргізіліп жатыр.
Қыркүйек айында жедел іс-шараларды өткізу кезінде Алматы қаласында төрт call-орталық жойылып, 47 шетелдік ұсталды. Олар шет мемлекеттердің азаматтарына қатысты алаяқтықпен айналысқан. Тергеу шаралары жүргізіліп, тәркіленген техника тексеріліп жатыр.