Skills Enbek платформасында Influencers-тің жастарға арналған курстары қолжетімді болады
«Еңбек ресурстарын дамыту орталығы» АҚ мен Influencers әлеуметтік-білім беру платформасы ынтымақтастық туралы келісім жасады,деп хабарлайды arainfo.kz
Жаңа серіктестік аясында Influencers әзірлеген бейнематериалдар мен оқыту бағдарламалары Skills Enbek платформасына орналастырылады.
Қазірдің өзінде Skills Enbek пайдаланушылары үшін Influencers сарапшыларының қаржылық сауаттылық курстары қолжетімді. Осы ынтымақтастық алдағы уақытта жеке және кәсіби өсу үшін, әсіресе жастар үшін білім беру процесінің және басқа курстардың мүмкіндіктерін кеңейтуге мүмкіндік береді.
Skills Enbek іске қосылған сәттен бастап түрлі бағыттар бойынша 608 курс орналастырылды, оның 276-ы тегін. Платформада қазірдің өзінде 474 мыңнан астам пайдаланушы тіркелген, олардың 390 мыңнан астамы оқуды сәтті аяқтап, тиісті сертификаттар алды.