Келесі жылы да су шаруашылығы мамандарының еңбекақысын көтеруді жалғастырамыз - министр
Нұржан Нұржігітов Ынтымақ су қоймасында су тасқынының дабыл жүйесін тексеріп, жергілікті ГЭС жұмысымен танысты,деп хабарлайды arainfo.kz
Су ресурстары және ирригация министрі Нұржан Нұржігітов Қарағанды облысының тұрғындарымен кездесіп, өңірдегі су шаруашылығы құрылыстарының жұмысымен танысты.
Министр ең алдымен Самарқанд су қоймасына барды. Нұржан Нұржігітов нысанның жұмысымен танысып, техникалық және тұрғын үй-жайларды аралап, жұмысшылармен сөйлесті.
Нұржан Нұржігітов Ынтымақ су қоймасында су тасқынының дабыл жүйесін тексеріп, жергілікті ГЭС жұмысымен танысты.
Одан әрі министр Қарағанды облысының тұрғындарымен кездесу өткізді.
Министр ведомствоның негізгі жұмыс бағыттары туралы баяндамадан бастады. Нұржан Нұржігітов жаңа Су кодексінің кәсіпорындардың суды қайта пайдалануы жөніндегі ережелерді мұқият түсіндіріп берді.
Одан кейін министр Шерубай-Нұра су қоймасына барды. «Топар» МАЭС басшылығымен су қоймасынан электр энергетикасының қажеттіліктеріне су беруді ұлғайту мәселесін талқылады.