Жамбылдық онкологтар жарады

Меркі ауданының 62 жастағы тұрғыны бүкіл өмірін бала тәрбиесіне арнап, балабақшада қызмет еткен. Тіпті, ешқашан медициналық көмекке жүгініп көрмеген. Науқас денсаулығы сыр бермегендіктен, мамандардың көмегіне жүгінуге ешқандай себеп болмағанын айтады. Биыл көктемде асқазаны өсе бастағанына назар аударған. Алайда асқазаны әр апта сайын үлкейе түссе де ауруға аса мән бермеген. Іштің мөлшері өскені соншалық, әйелге жүру және тыныс алу қиынға соққан. Науқас тұмауға қарсы екпе алу үшін емханаға барғанда бойын байқатпай дендеген дерті анықталады. 

Облыстық көпбейінді онкология және хирургия орталығының торакоабдоминальды хирургия бөлімшесінің меңгерушісі, дәрігер Ерасыл Араповтың айтуынша, науқас қайтымсыз процестің басталу шегіне жеткен. Неоплазма іс жүзінде бүкіл бауырдың 70 пайызын алып, өт қабымен және жалпы бауыр артериясымен тығыз байланыста болған. Ал ісіктің салмағы – 6 келі. 

 

Маман атап өткендей, мұндай үлкен ісікті толығымен алып тастау керек. Тұтастығын бұзбаған дұрыс, әйтпесе қайталану қаупі өте жоғары. Ісікті жою оның үлкен тамырларға жақын орналасуына және анатомияның айтарлықтай бұзылуына әкеп соғуына байланысты оңай болмаған. Асығыс әрекет, қате шешім – жаппай қан кетуге және соңы қайғылы жағдайға алып келуі мүмкін. Осыған орай дәрігер Ерасыл Бақытжанұлы көпбейінді онкология және хирургия орталығының торакоабдоминальды онкохирургия мектебінің көп жылдық тәжірибесінің арқасында күрделі және қауіпті отаны сәтті жасап шығады.

– Хирургтар бауырдың барлық оң жақ бөлігін, өт қабын алып тастап, қақпа тамыры мен жалпы бауыр артериясының лимфодиссекциясын (онкологиялық процесте лимфа түйіндерін алып тастау) жүргізді. Төменгі қуыс тамырды және жалпы өт жолын оқшаулау қажеттілігі кезінде қиындық туындады.

Онкологтар қатерлі ісік ерте сатысында ауырмауы мүмкін екенін еске салады. Сондықтан ағзадағы кез келген өзгерістерге мұқият қарау керек. 

Эльмира Байназарова