Әулиеаталықтар Атырауға гуманитарлық көмек жіберді
Кеше әулиеаталықтар қызыл сумен арпалысып жатқан Атырау қаласының тұрғындарына гуманитарлық көмек жіберді. Облыстық прокуратура ұйымдастырған іс-шараға облыс әкімдігі де қолдау көрсеткен.
Қайырымдылық іс-шарасы аясында атыраулықтарға жіберілген 500 құрылыс киімі, 200 матрас пен 180 төсек жабындысын дайындауға пробация қызметкерлері де атсалысқан. Бұл туралы облыс әкімдігі аппаратының инфрақұрылымды дамыту бөлімінің басшысы Нұрбол Тоқтыбаев айтты.
Жұмыссыз жүрген пробация есебіндегі әйелдер де өздеріне жұмыс табылғандарына қуанышты екендігін жасырмады.
Айта кету керек, келесі аптада Батыс Қазақстан облысына да жамбылдықтар гуманитарлық көмек жібермек.
А.Болатқызы