Облыс әкімі «Aulieata-media» ЖШС ұжымымен жүздесті
Әулеаталықтар үшін Шерхан Мұртаза атындағы «Баспасөз үйінің» маңызы айрықша. Себебі мұнда орналасқан «AQ JOL», «Знамя труда» газеттерінің тарихы тереңде жатыр. Кезінде аталған редакцияларда еңбек еткен мүйізі қарағайдай қаламгерлер облыс тұрғындарына маңызды ақпарат таратып, оқырманды тұшымды мақалалары арқылы қуантумен қатар, Жамбыл журналистикасының қалыптасу жолында да аянбай тер төкті.
Бүгінде «Баспасөз үйі» ғимаратының 2-3-қабаттарында «AULIEATA-MEDIA» серіктестігіне қарасты облыстық «AQ JOL», «Знамя труда», «AR-AI» газеттерінің редакциялары орналасқан. Сонымен қатар мұнда «Jambyl-info» ақпараттық порталы, үш газеттің Аqjolgazet.kz, ztgzt.kz, Аrainfo.kz сайттарының жұмысын жүйелеп отырған «Цифрлық контент орталығы» бар. Осы басылымдар мен сайттарда жұмыс істейтін тілшілер қауымы аға буын салған сара жолдан таймай келеді. Халыққа шынайы ақпарат жеткізуде күн-түн демей еңбек етіп жатқан журналистерге қазіргідей ақпараттық технология қарыштап дамыған заманда артылар міндет пен қойылар талап жоғары. «Баспасөз үйіндегі» облыстың айнасы саналатын газеттер мен ақпараттық агенттіктердің жұмысын жандандыру, заманауи технологияны пайдалануда тиімділікті арттыру, журналистердің тыныс-тіршілігіне қатысты қандай да бір мәселе болса, оның оң шешімін табу өзекті.
– «AULIEATA-MEDIA» жауапкершілігі шектеулі серіктестігі бүгінде облыс аумағында ғана емес, еліміздің ақпарат саласындағы беделді ұжымдардың бірі десек, еш қаталеспейміз. Өйткені күн сайын менің жұмыс үстелімде сіздердің газеттеріңіз жатады. Өзге де басылымдармен қоса, осы үш газеттегі мақалаларды шолып шығамын. Сонымен қатар холдингке тиесілі сайттар да жүйелі жұмыс атқарып жатыр. Серіктестікке қарасты газеттердің ішінде ата басылым – «AQ JOL» және «Знамя труда» газеттері. Осы екі басылым ғасыр тарихынан сыр шертіп отыр. Сонымен қатар «AR-AI» жастар газеті мен «Jambyl-info» ақпараттық порталы жағымды жаңалықтардың жаршысы. «Jambyl-info»-ның ТОП-50 сайттың тізіміне енгенінен де хабардармын. Сондай-ақ газеттерге қатысты өзгерістерге келер болсақ, оқырманның мәнді мәселелерге қатысты жарияланған мақалалардың бейнежазбасымен де танысуына мүмкіндік беретін QR код біздің газет бетінен орын тапты. Мұндай жаңашылдық әзірге басқа облыстың басылымдарында жоқ.
Өз сөзін осы баспасөз үйінің Шерхан Мұртаза атамыздың атымен аталуы журналистерге үлкен жауапкершілік жүктейтінінен бастаған «AR-AI» газетінің бас редакторы Тұрсынбек Сұлтанбек: «Біздің газеттің жарыққа шыға бастағанына келер жылы 20 жыл толады.
Нұрым Сырғабаев