Жамбылдық спортшылар әлем чемпионатына жолдама алды
Түркия мемлекетінің Маниса қаласында су добынан U16 жас ерекшелігі бойынша Әлем чемпионатының жалауы желбіремек. Қазақстан құрамасы сапында Жамбыл облысының 9 спортшысы өнер көрсетеді, деп хабарлайды arainfo.kz
Олардың қатарында: Яна Смолина, Аяна Кунтубаева, Айсана Раимбек, Минора Мирзакаримова, Ширина Худайбергенова, Шакира Нурсеитова, Ангелина Первушина, Таира Мухаева, Ясмина Иштаева бар.
Айта кетейік, жаһандық дода 28 маусым мен 5 шілде аралығында өтеді. Оған 24 елдің құрамасы қатысады.