Бірлігі бекем ел озады

Берекелі бірлік бар жерде мерекелі тірліктің салтанат құратындығы белгілі. Расында да татулықтың туы көкке көтерілмейінше, тұрақтылық тұғырының нығая қоюы да неғайбіл. Бұл тұрғыда Қазақстан халқы Ассамблеясының атқарып жатқан жұмысы ұшан-теңіз. Оның жарқын мысалдары Жамбыл облысында да жетерлік. Күні кеше «Достық үйінде» өткен өңірлік Қазақстан халқы Ассамблеясының ХХVIІ сессиясында осы бағыттағы нақты нәтижелер баяндалып, алдағы мақсаттар айқындалды.