Тінту жұмыстары жүргізілді
Іс-шара барысында есірткі табылмады
Биыл 18 маусымда Жамбыл облысы бойынша қылмыстық атқару жүйесі департаменті № 58 мекемесінің (барынша қауіпсіздігі орта) жедел бөлімінің қызметкерлерімен, сондай-ақ Тараз станциясы ЖПБ, ЕҚҚІҚБ жедел уәкілі мен кинологиялық қызметкерлерімен бірлескен іс-шара ұйымдастырылды. Онда аталмыш мекеменің өндірістік аймағындағы жеке кәсіпкерлердің жұмыс орындарын, мекеменің жасақтарын, сондай-ақ мекеменің БӨП-де сотталғандарға алып келетін сәлем-саухаттарды тексеру мақсатында «Браско» атты қызметтік итпен тінту жұмыстары жүргізілді. Іс-шара барысында ешқандай есірткі мен жарылғыш заттар табылған жоқ.