Ынтымақ ырысқа бастайды
Тараз қаласында «Қарашай және балқар-Бірлік» республикалық қоғамдық бірлестігінің төрағасы Мустафир Бабаевтың басшылығымен және аталған бірлестіктің аймақтық филиалының ұйымдастыруымен этнос күні өтті.
Іс-шара ұлтаралық қарым-қатынасты, бірлік пен келісімді нығайтуға, мәдени мұраны сақтауға бағытталған. Айта кетейік, елімізге балқар этносының қоныс аударғанына биыл 80 жыл толса, қарашай этносының қазақ елінен пана тапқанына – 81 жыл.
– Қазақстан – барлық этнос өкілдеріне кең құшағын жая білген қасиетті ел. Өңірлік «Бірлік» қарашай-балқарлар этномәдени бірлестігін бүгінгі этнос күндерімен құттықтай отырып, өткені мен болашағына зор құрметпен қарайтындығымызды білдіреміз. Қарашай-балқарлар қауымдастығына деген ықыласымыз шексіз.
Сондай-ақ басқосуда бірлестіктің ақсақалдар мен аналар кеңесінің өкілдері сөз сөйледі. Мерекенің кішкентай қатысушыларына сыйлықтар табыс етілді.
Іс-шара барысында концерттік бағдарлама көпшілік назарына ұсынылып, жиналған жұртшылық жас өнерпаздардың талабы мен талантына тәнті болды.
«Қоғамдық келісім»
мекемесінің ақпараттық
жұмыс және қоғаммен байланыс бөлімі