Қасқабұлақ қарқынды дамуда
Өңірлік коммуникациялар қызметінде Талас ауданы, Қасқабұлақ ауылдық округінің әкімі Жардис Усейнов баспасөз мәслихатын өткізіп, елді мекеннің әлеуметтік-экономикалық даму көрсеткіштері туралы баяндады.
Ж.Усейновтың айтуынша, округ бойынша 1 елді мекен, 143 аула болса, 1 132 халық өмір сүреді. Сондай-ақ 1 орта мектеп, 1 дәрігерлік пункт, 1 клуб, 1 кітапхана, 2 шағын футбол алаңы, 1 ветеринариялық пункт, 1 полиция пункті халыққа қызмет көрсетеді.
Округте 14 шаруа қожалық тіркелген. Малшаруашылығымен 8 және 6 шаруашылық диқаншылықпен айналысады. Бұдан бөлек 2 шаруа қожалық мал тұқымын асылдандыру бағытында жұмыс істеп жатқанын айтқан округ әкімі ауылшаруашылығы саласында атқарылған жұмыстарға тоқталды.
Брифинг соңында журналистердің сұрақтарына жауап берген Жардис Исмаилұлы алдағы жоспарларымен де бөлісті.
Шапағат ӘБДІР