Елімізде Наурыз мерекесі енді 10 күн тойланады

Бұл туралы орталық коммуникациялар қызметінде өткен брифинг барысында Мәдениет комитеті төрағасының орынбасары Сәбит Барлыбаев айтты, деп хабарлайды Arainfo тілшісі BAQ.KZ-ке сілтеме жасап.

Мерекені тойлау 14 наурыз - Көрісу күнінен басталып, 23 наурызға дейін жалғасады. Әр күн әртүрлі тақырыпта аталып өтеді.

Одан бөлек, 14-23 наурыз аралығында «Наурыз-базарлық» маусымы жарияланады. Бұл күндері сауда орындарында жаппай сатылымдар акциясын ұйымдастыру жоспарланған. Бұған дейін Наурыз мейрамының логотипі белгіленгенін жазған едік.