Ш.Мұртаза атындағы Халықаралық Тараз инновациялық институтында комплаенс қызметі енгізілді

Қол қою рәсіміне ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша департаменті басшысының бірінші орынбасары Д.Омаров және Ш.Мұртаза атындағы Халықаралық Тараз инновациялық институтының президенті Н.Муслимов қатысты. Іс-шара барысында кешенді жұмыс жоспары аясында комплаенс қызметін іске асыру және сыбайлас жемқорлыққа қарсы мәдениет қалыптастыру бағытында жоспарланған шаралар барысы талқыланып, сұхбат алаңы ұйымдастырылды. ҚР «Сыбайлас жемқорлыққа қарсы іс-қимыл туралы» Заңының 16-бабына сәйкес жоғары оқу орындарында сыбайлас жемқорлыққа қарсы іс-қимыл заңнамасын сақтауын қамтамасыз ететін комплаенс-қызметін енгізу қарастырылған. Өз кезегінде Д.Омаров жастарға білім мен тәрбиенің барлық деңгейінде жемқорлыққа қарсы дағды моделін қалыптастыра отырып, сыбайлас жемқорлыққа қарсы саясатты іске асыру, заңдық тұрғыда құқықтық сауаттандыруды арттыру, өскелең жас ұрпақтың бойында адалдық, парасаттылық, әділдік, сенім құндылықтарын сіңіруге жас буынның рухани болмысын бекітудегі маңызды құндылықтар айтылды.