Кітап – кинодан артық құндылық
Кітап – кинодан артық құндылық
Түрлі жанрдағы фильмдерді көріп, жақсы демалып, түрлі әсерге бөленетініміз рас. Бірақ кино кітаптағы әсерді беріп, өзің оқып, өзіңнің қорытуыңдағыдай суреттей алмайды. Түрлі картиналарды режиссерлер бар ынта-шынтасымен көрерменге ұсынғанымен, біреу елеп, бірі елемей, демде өте шығады. Ал кітап... Бұл мүлде бөлек әлемге жетелейді. Оқи отырып өз қиялыңмен қорытып, картиналар лек-легімен көз алдыңнан өте береді. Ешнәрсе елеусіз қалмайды. Ерекше ұнаған, тың әсер еткен, ғажап күй сыйлаған тұсын қайта-қайта оқи бергің келеді. Осындай артықшылықтары үшін кітап оқуды әрине, жақсы көру керек.