Мекеме ұжымы ардагерлер мен балақайларға мерекелік көңіл күй сыйлады

Жаңа жыл қарсаңында Жамбыл облысы бойынша Қылмыстық-атқару жүйесі Департаментіне қарасты №59 мекемесі басшысы әділет полковнигі Руслан Уразметовтың ұйымдастыруымен Қылмыстық-атқару жүйесінің ардагерлері мекемеге қонаққа келді. Мекеме қызметкерлері Аяз Ата, Ақшақар, қоян және ұлу кейпінде ардагерлер мен ұжымға Жаңа жылдық көңіл күй сыйлады. Мерекелік іс-шараның соңы жылдағыдай әдетке айналған Аяз Атаның мерекелік бағдарламасымен мекеме қызметкерлерінің үйлерін аралап, балақайларына сыйлық сыйлап ерекше сезімге бөледі.