Миттал мен журналистің сұхбаты

Әлеуметтік желілер мен мессенджерлерде «Митталдың ашық әңгімесі» деп аталған хабарлама тарады. Мәтінде бұл «Арселор Миттал Теміртау» металлургиялық компаниясының ортақ иеленушісінің журналистпен «әңгімелесуінен үзінді» деп жазылған. «Арселор Миттал Теміртаудың» баспасөз қызметі бұл ақпаратты жоққа шығарды. Яғни «Таралған хабарлама шындыққа жанаспайды», деп хабарлады компанияның баспасөз қызметі. Желіден іздегенде «әңгімелесуден үзінді» әлеуметтік желілерде пост түрінде ғана шыққаны анықталды. Басқа дереккөздерде – ресми сайттарда немесе бұқаралық ақпарат құралдарында Лакшми Митталдың осы немесе Қарағандыда Костенко атындағы шахтада болған қайғылы оқиғадан кейін берген басқа сұхбаттары туралы жазылмаған.