Дін

ҚҰРАН ОҚУ БАЙҚАУЫ МӘРЕСІНЕ ЖЕТТІ

AR-AY

ҚҰРАН ОҚУ БАЙҚАУЫ МӘРЕСІНЕ ЖЕТТІ

Қазақстан мұсылмандары діни басқармасының ұйымдастыруымен жыл сайын дәстүрлі түрде республикалық Құран байқауы өтеді. Биыл Құран Кәрімді жатқа және мәнерлеп оқудан ХІІ республикалық байқау Ақтау қаласында 30 қыркүйек пен 1 қазан күндері өтті. Аталмыш байқауда жамбылдық төрт үміткер қатысып, бағын сынап келді.

Құран жарысы әдеттегідей толық Құранды жатқа оқу, Құранның 20 парасын жатқа оқу, Құранның 10 парасын жатқа оқу және Құранды мәнерлеп оқу сынды төрт номинация бойынша өтті. Жамбыл облысының намысын қорғаған Нурмухамед Лиров Құранды толық жатқа оқудан, Абдульбари Кутуров Құранның 20 парасын жатқа оқу бойынша, Рамазан Губе Құранның 10 парасын жатқа оқу, Нұрдаулет Балтабаев Құранды мәнерлеп оқу бойынша қатысты. Жарыс қорытындысы бойынша, байқаудан толық Құранды жатқа оқу бойынша Лиров Нурмухамед 5-орынға ие болды. Еске сала кетсек, былтыр Қызылорда қаласында өткен Құран Кәрімді жатқа және мәнерлеп оқудан ХІ республикалық байқауында Жамбыл облысының намысын қорғауға барған төрт қаридың толық Құранды жатқа оқу номинациясы бойынша қатысқан Иманәлі Мырзагелді жүлделі I орын алып, автокөлік иеленген болатын. Айжан Өзбекова