Газды баллонға құюдың да қаупі көп

«Газ және газбен жабдықтау» Заңының 28-бабының 5-тармағына сәйкес тұрмыстық газ баллондарын арнайы газ құю стансаларында толтыруға болмайды. Газ баллондары жарылуының ең көп тараған себептері – баллондарды құю алдында куәландырудан өтпеу, тұрмыстық газ баллондарын газбен толтыруға арналмаған авто газ құю бекеттерінде толтыру. Оларға газды тек қана арнайы газ толтыру бекеттерінде жүргізу керек. Техникалық тұрғыдан қарағанда арнайы тексерістер жүргізіледі, рәсімделеді, баллон сапасына кепілдік береді. Арнайы тауар белгісі оны есепке алу үшін жүргізіледі. Авто газ құю бекетінде тұрмыстық газ баллондарын толтыруға тыйым салу автомобиль және тұрмыстық газ баллондарының түрі әртүрлі болуымен байланысты. Автокөліктерге орнатылған цилиндрлерде цилиндрдің газбен толып кетуіне жол бермейтін кескіштер бар. Газ жеткілікті мөлшерде жиналған кезде беру автоматты түрде тоқтатылады. Тұрмыстық газ баллондарында мұндай жүйе жоқ. Тұрмыстық газ баллондарын бақылаусыз, өлшеусіз автомобильдердің газ баллонды қондырғыларына құю жөніндегі қондырғыда өлшенген көлем бойынша сұйытылған көмірсутекті газбен толтыру баллонның сұйытылған газдың нормативтік мөлшерінен асып кетуіне әкеп соғуы мүмкін. Сонымен қатар құю алдында цилиндрдің ағып кетуін, оның жарамдылық мерзімін, цилиндр ішінде ауыр фракциялардың болуын тексеру керек. Баллонды құюдың өзі таразыда жүргізілуі тиіс. Белгіленген тәртіппен техникалық куәландырудан өтпеген тұрмыстық мақсаттағы газ баллонын авто газ бекетінде сұйылтылған көмірсутекті газбен толтыру кезінде арнайы жабдығы жоқ, сондықтан өнеркәсіптік қауіпсіздік қағидаларының талаптарын бұзу тұтынушының өміріне, денсаулығына және мүлкіне қауіпті жағдай немесе жарылыс туғызуы мүмкін. Ақерке ӘЛІМБЕК, ҚР Төтенше жағдайлар министрлігі Өнеркәсіптік қауіпсіздік комитетінің облыс бойынша департаментінің бас маманы