Бір ғана кәсіпорында 50 жазасын өтеуші қызмет етеді

Біздің елде тамыз айының екінші жексенбісі «Қазақстан құрылысшылар күні» деп бекітілген. Жалпы, құрылысшылар адамзат өркениетінің бастауында тұрса, құрылыс индустриясы – экономиканың негізгі іргетасы. Бүгінгі таңда осынау саланың дамуына сот шешімімен кінәлі деп танылып, түзеу мекемесіне тоғытылған жандар да өз үлестерін қосуда. Оған себеп - ҚАЖ қызметкерлерінің тікелей ықпалымен жазасын өтеушілердің ақылы жұмыспен қамтуы болып отыр. Мәселен, өңірлік Қылмыстық-атқару жүйесі департаментіне бағынысты №26 түзеу мекемесіндегі сотты болған азаматтардың 50-і «Компания Самұрық» серіктестігінде еңбек етуде. Мұнда жазасын өтеушілер құрылыс, дәнекерлеу және техникалық байқау станциясында жұмыс істейді. Нақтылай түссек, облыс орталығындағы А.Чехов 1А мекен жайында темір-терсектерден және ағаштан жасалатын түрлі өнімдерге тапсырыс қабылдайды.