Ең төменгі күнкөріс деңгейі 50 мың теңгеге жуықтады

Биыл шілдеде Қазақстанда жан басына шаққандағы ең төменгі күнкөріс деңгейі 49,5 мың теңге болды, деп хабарлады Finprom.kz. Бұл – былтырғыдан 10,5%-ға көп. 2022 жылғы сәйкес кезеңде көрсеткіш 44,8 мың теңге болып, бір жылда 16,4% өскен.

Үздік бестікке Алматы қаласы мен Павлодар облысы да енді: 51,2 мың және 49,4 мың теңге. Еліміздің 20 өңірінің төртеуінде ғана ең төменгі күнкөріс деңгейі республикалық деңгейден жоғары.

Жасы бойынша ерлер мен ұлдар арасындағы ең төменгі күнкөріс деңгейі 0,5-1 жас аралығындағы балаларда – 32,5 мың теңге, ең жоғарысы 14-17 жас аралығындағы жасөспірімдерде – 62,6 мың теңге. Әйелдер мен қыздар арасында ең төменгі күнкөріс деңгейі 0,5-1 жас аралығындағы балаларда – 30,5 мың теңге, ең жоғарысы 14-17 жас аралығындағы қыздарда – 47,9 мың теңге. Барлық жас санатындағы ұлдар мен ерлердің күнкөріс деңгейі сол жастағы қыздар мен әйелдерге қарағанда айтарлықтай жоғары.