Каспий банк қызметкерлерін кепілдікке алған Алихан Мурадов 2 айға қамалды

Бұл туралы ҚазАқпарат Астана қалалық сотының ресми сайтына сілтеме жасап хабарлайды. Айта кетейік, 18 маусым күні Достық көшесінің бойындағы Kaspi bank филиалына кірген А.Мурадов тапаншаға ұқсас затпен қорқытып 7 адамды кепілге алған. Келіссөз жүргізгеннен кейін сағат 16:35-те арнайы жасақ қызметкерлері ғимаратқа шабуыл жасады. Жоспарланған операцияның нәтижесінде 30 жастағы ер адам ұсталып, кепілге алынғандардың барлығы босатылды. Кепілге алынғандар мен кепілге алушы зардап шеккен жоқ. Аталған факті сотқа дейінгі тергеудің бірыңғай тізіміне ҚР ҚК 261 бабы 2 бөлігі «Адамды кепілге алу» бойынша тіркелді. Кейінірек, Алихан Мурадовтың есірткіге тәуелділігі бойынша есепте тұрғандығы белгілі болды.