Қауіпсіздік талаптары қаперден шықпауы керек
Қауіпсіздік талаптары қаперден шықпауы керек
Оқу-жаттығу барысында, ең әуелі, Тараз қаласындағы білім беру, денсаулық сақтау және кәсіпкерлік объектілерінің алда-жалда жер сілкінісі қаупі туындаған кездегі іс-әрекеттері пысықталды. Мұнан соң Тараз қаласы аумағындағы жойқын жер сілкінісі кезіндегі басқару органдарының, авариялық құтқару қызметтері күштерінің іс-қимылдары мәселелері бойынша практикалық іс-шара өткізілді. Оқу-жаттығу барысында ғимараттардағы өрт қауіпсіздігі туындаған кездегі авариялық құтқару жұмыстарын жүргізуге, түрлі жарақат алу, электр тоғының соғуы кезіндегі алғашқы медициналық көмек көрсетуге қатысты практикалық іс-шаралар өткізілді. Сондай-ақ «Баршаның назарына!» дабыл сигналы бойынша қала аумағындағы барлық ұйымдар мен кәсіпорындарда сейсмикалық жаттығу ұйымдастырылды. Ақтоты Бекенқызы