ҚҰРАН САЙЫСЫ МӘРЕСІНЕ ЖЕТТІ

Сайысқа облыстың бас имамы Бейбіт Мырзагелдиев қари (қазылар алқасының төрағасы), «Һибатулла Тарази» медресе-колледжінің ұстазы Бірлік Аманкелді қари, республикалық және халықаралық Құран жарыстарының жүлдегері, «Һибатулла Тарази» мешітінің жанындағы қарилар дайындау курсының ұстазы Иманәлі Мырзагелді қари және «Һибатулла Тарази» мешітінің наиб имамы Нұрлан Мұрат төрелік етті. Құранның 5 парасын жатқа оқу номинациясы бойынша облыстық «Һибатулла Тарази» мешітінің тәлімгері, Талас ауданының түлегі Рамазан Әбдіқадір 1-орынға ие болды. Жамбыл ауданынан келген Абдулкарим Каримов 2-орынға лайық деп танылса, байзақтық Құрманбек Әбдолла 3-орыннан көрінді. Құранның бір парасын жатқа оқу номинациясы бойынша қордайлық Абдульрауф Дауров жеңімпаз атанса, Жамбыл ауданынан келген Маруф Ризамухамедов 2-орынға және Тараз қаласының атынан шыққан Рахымжан Жәпек 3-орынға ие болды. Барлық қатысушыға ақшалай сыйлық пен Алғыс хаттар табысталды.