ҚУАНСА,БАЛА ҚУАНСЫН...

Салтанатты шараға аудан басшысы Нұрбол Жүнісбеков, Қаратау қаласының әкімі Дархан Баймбетов және зиялы қауым өкілдері қатысты. А.Шейн көшесі бойында орналасқан су жаңа ойын алаңшасында балаларға арналған шағын аттракциондар, карусельдер, әткеншектер және тағы да басқа керекті жабдықтар орналастырылған. Сондай-ақ «Street workout» алаңшасы да заманауи талапқа сай жасақталған. «Street workout» және ойын алаңшасына балаларды және спортпен шұғылданушыларды толықтай жарақаттан сақтайтын арнайы жұмсақ материал төселген. Сонымен қатар «Жастар» саябағын қайта жаңғырту жұмыстары жүргізілуде. Атап айтқанда, «Қаратау» жазуы бар декор қабырға, арнайы дизайнмен жасалған қоқыс жәшіктері, орындықтар, шамдар, көгалдандыру, жасыл желектерді суғару жүйелері бойынша жұмыстар атқарылуда. Айта кету керек, бұл жұмыстар аудан бюджеті есебінен жүргізілді.