Қазақстанда пәтер арзандап жатыр

Өткен айдың қорытындысы бойынша орташа баға 374 556 теңге болды. Бұл – сәуірмен салыстырғанда, 0,4% аз. Бағаның максималды төмендеуі төмендегідей:

• Астанада – 1,3%;
• Өскеменде – 1,2%;
• Атырауда – 1%;
• Алматыда – 0,9%.

Өсім Шымкент, Тараз (+0,2 %), Семей (+0,4 %), Ақтауда (+0,5 %) тіркелді. Мамырдың қорытындысы бойынша 1 шаршы метрдегі ең жоғары орташа баға төмендегідей:

• Алматыда – 706 мың теңге;
• Астанада – 475 мың теңгеге жуық;
• Шымкентте – 433 мың теңге.

Ең төмен баға – Қызылордада (236 мың теңге), Ақтөбеде (293 мың теңге), Таразда (шамамен 306 мың теңге). Жыл басынан бері (2022 жылғы желтоқсан, 2023 жылғы мамыр) қайталама нарықтағы пәтер айтарлықтай қымбаттамаған: +0.4 %. Ең жоғары өсім – Ақтауда, +4,2%, ал ең жоғары төмендеу – Көкшетауда, -3.3%. Жалпы 5 айда 12 қалада, оның ішінде Алматы, Шымкент қалаларында тұрғын үй шамамен 2% қымбаттады. Ал 5 қалада, оның ішінде Астанада 1,7% арзандады.