Оқу-ағарту министрлігі балаларға арналған SIM-карта енгізуді ұсынбақшы
Оқу-ағарту министрлігі балаларға арналған SIM-карта енгізуді ұсынбақшы
Оқу-ағарту вице-министрі Еділ Оспан Мәжіліс кулуарында оқушылар арасындағы буллингпен күрес қалай ұйымдастырылатынын айтты, деп хабарлайды Arainfo тілшісі ҚазАқпарат-қа сілтеме жасап.
«Біз балаларға арналған SIM-карта ұсынып отырмыз. Балаларға арналған жеке SIM-карта керек. Ол ата-ананың бақылауында болады. Бала сол SIM-карта арқылы интернетке қосылса, міндетті түрде ата-ананың рұқсаты сұралады. Біз осындай жүйені енгізуді ұсынып отырмыз. Бұл баланың интернетте қандай сайтқа кіргенін, қандай әлеуметтік желіде отырғанын бақылауға мүмкіндік береді. Тағы бір мәселе, ол карта арқылы баланың интернетке кіретін уақытын шектей аламыз. Кейде бала түн ортасында интернетте отыратын жайттар болады», - деді вице-министр.