Жазасын өтеуші ер адам бейнебайланыс арқылы отбасымен сөйлесті

Сот үкімімен кінәлі деп танылып, жабық мекемелерде жазасын өтейтін азаматтардың қоғаммен байланысын арттыру айрықша назарда. Әсіресе, олардың отбасымен қарым-қатынасының үзілмеуі ерекше бақылауға алынған. Өйткені, түзелу жолына түсудің бірден-бір жолы осы. Өңірлік Қылмыстық-атқару жүйесі департаментіне бағынысты №26 түзеу мекемесінде жазасын өтейтін ер адам бейнебайланыс арқылы туған-туыстарымен тілдесті. Осылайша, ол онлайн байланыс барысында ет жақындарының амандығын білді. Айта кетейік, аталған ер адам ҚР Қылмыстық Кодексінің 345 бабына сай кінәлі деп танылып, темір торға тоғытылған.